Müəllimlər diaqnostik qiymətləndirmədə çətinliklə üzləşiblər – Problem – VİDEO

Azərbaycanda hərbi hazırlıq müəllimləri diaqnostik qiymətləndirmədə çətinliklə üzləşiblər.

Milli.Az bildirir ki, 5 gün əvvəl Bərdədə bölgədəki müəllimlərin diaqnostik qiymətləndirilməsi həyata keçirilib. Qaydalara uyğun olaraq ümumilikdə 60 sual təqdim edilib. Onlardan 40-ı müəllimin ixtisasına, 20-si isə kurikuluma uyğun olub. Rayonda 15 ildir hərbi hazırlıq fənnini tədris edən Şamil Abdullayev deyir ki, onlar dərsləri kurikulum üzrə keçmirlər və heç bir təlimədə də iştirak etməyiblər.

Şamil Abdullayev qiymətləndirmənin bu cür keçirilməsini düzgün hesab etmir. Ona görə də kurikulumda iştirak etməyən müəllimlərə güzəşt tətbiq edilməli olduğunu deyir.

Məsələ ilə bağlı Təhsil Nazirliyindən bildirildi ki, 2008-ci ildən başlayaraq bütün müəllimlər kurikulum sistemi üzrə təlimlərə cəlb ediliblər. Hər hansı bir müəllimin həmin təlimdə iştirak etməməsi də onun səhvidir. Bu səbəbdən də heç bir müəllimə güzəşt edilməyəcək. /xezerxeber.az

Milli.Az

Videonu izləmək üçün şəklə klikləyin:
Hərbi hazırlıq müəllimləri diaqnostik qiymətləndirmədə çətinliklə üzləşiblər

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir