Bakı-2017: 3X3 basketbol komandalarımız 1/4 finalda

Bakı-2017 IV İslam Həmrəyliyi Oyunlarında Azərbaycan 3X3 basketbol komandaları 1/4 finala yüksəliblər.

Milli.Az Trend-ə istinadən bildirir ki, bu mərhələdə qadınlardan və kişilərdən ibarət millilərimiz müvafiq olaraq İndoneziya yığmaları ilə qarşılaşacaq.

Qadın idmançılarımız bu mərhələni adlayarsa, yarımfinalda Türkiyə – Əlcəzair, kişi basketbolçularımız isə Kot-d’İvuar – Türkiyə cütlüyünün qalibi ilə mübarizə aparacaq.

1/4 final görüşləri sabah keçiriləcək.

Qeyd edək ki, Bakı-2017 İslam Həmrəyliyi Oyunları mayın 22-dək davam edəcək. Yarışlar Azərbaycan paytaxtının 16 idman obyektində 21 idman növü üzrə keçirilir.

Milli.Az 

Digər maraqlı xəbərlər Milli.Az-ın Facebook səhifəsində

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir