Birinci vitse-prezident Mehriban Əliyeva fəaliyyət istiqamətini açıqladı

Azərbaycanın birinci vitse-prezidenti Mehriban Əliyeva fəaliyyətini sosial məsələlərin həllinə yönəldəcəyini bildirib.

APA-nın məlumatına görə, bu barədə Mehriban Əliyeva Rusiyanın “Vesti nedeli” verilişinə müsahibəsində deyib.

“Mən işimi sosial məsələlərin, əhalinin aztəminatlı hissəsinin problemlərinin həlli üzərində qurmaq niyyətindəyəm. Mərhəmətsizlik və laqeydlik qorxulu anlayışlardı. İstər ictimai xadim, istərsə də dövlət məmuru üçün humanizmi qorumaq vacibdir”, deyə M.Əliyeva bildirib.

O, həmçinin, vurğulayıb ki, dövlət başçısının həyat yoldaşı olmaqla yanaşı, həm də silahdaşıdır: “Məni vitse-prezident vəzifəsinə təyin etmək şəxsən Azərbaycan prezidentinin təşəbbüsüdür. Çox güman ki, uzun illər onun yalnız həyat yoldaşı deyil, silahdaşı olmağım da öz rolunu oynayıb. Biz bu təyinat barədə çox götür-qoy etdik, diskussiyalar apardıq. Əsas məsələ üzərimə götürəcəyim məsuliyyətlə bağlı idi. Lakin həyat yoldaşımın simasında mənə daim dəstək göstərməyə hazır olan şəxs görürəm. Əminəm ki, hər hansı şübhələrin yer aldığı halda o mənə düzgün yol göstərəcək”.

 

1 şərh

  1. Bir elm adamı və kiçik sahibkar olaraq düşünürəm ki, Vitse Prezident Mehriban xanıma çatacaq müraciətlər, ərizə və təkliflərdən eyni zamanda, dərhal Prezident Ilham Aliyev cənabları da məlümatlı olacaqdır. Bürokratik maneələrdən keçməkdə çətinlikləərlə üzləşmiş sahibkarların müraciətlərinə qısa vaxt ərzində baxmaq , problemlərii həll etmək adi telefon mesajı ilə də bir müddət mümkün olacaq, tədricən hər bir iş özyerini tutalaqdır ki, rüşvətxirluq və korrupsiyaya yer belə qalmayacaqdır.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir