Riçard Almeyda: “Gəlmişəm ki, komandamla birgə uğurlar qazanım”



“Mənim üçün heç bir şey dəyişməyib. Bura mənim evim, ailəmdir”.

Hakimiyyet.Az xəbər verir ki, bu haqda Report məlumat paylaşıb.

Bu sözləri Qazaxıstan “Astana”sından “Qarabağ”a icarə əsasında qayıdan Azərbaycan milli komandasının futbolçusu Riçard Almeyda deyib.

Əslən braziliyalı yarımmüdafiəçi Ağdam komandasına dönüşünün səbəbini açıqlayıb: “Burada hamını tanıyıram. Gəlmişəm ki, komandamla birgə uğurlar qazanım və “Qarabağ”ın bir parçası olum. Azarkeşlərə də göstərdikləri sevgiyə görə təşəkkür edirəm. Əmin olsunlar ki, komandamız üçün ən yaxşısını etməyə çalışacağam”.

Qeyd edək ki, Riçard Almeyda hazırda Türkiyənin Antalya bölgəsində təlim-məşq toplanışında olan “Qarabağ”ın düşərgəsindədir.

Facebook səhifəmizi izləməyi unutmayın!