Avropa İttifaqı Qarabağ prosesinə qoşulmalıdırmı? – Deputatların şərhi


window._ttzi = 161;var script = document.createElement(“script”);script.src = “https://adviad.com/nativevideo/get_ads.js?=”+(Math.floor(Math.random() * 100000000) + 1);script.async = true;(document.body || document.head || document.documentElement).appendChild(script);script.onload = function(){script.parentNode.removeChild(script);};
Ermənistan-Azərbaycan münaqişəsinin həll olunması yönündə BMT Təhlükəsizlik Şurasının dörd qətnaməsi var.

Həmçinin, ötən illər ərzində, 2000-ci illərin əvvəllərində Avropa Şurası Parlament Assambleyasında, İslam Əlməkdaşlıq Təşkilatı Parlament İttifaqında, Avropa Parlamentində, digər bir sıra regional və beynəlxalq qurumlarda, o cümlədən, İtaliya, Almaniya, Pakistan parlamentlərində və sair Qarabağ münaqişəsi, Xocalı soyqırımı ilə bağlı qəbul olunmuş qərar və qətnamələr mövcuddur.

Eyni zamanda, ATƏT, onun təsisatları Qarabağ məsələsində Azərbaycanın ərazi bütövlüyü və sərhədlərinin toxunulmazlığı prinsiplərinə əməl olunmasını dilə gətirirlər.

Bunu Hakimiyyet.Az-a açıqlamasında Milli Məclisin (MM) komitə sədri, profesor Eldar İbrahimov Qarabağ münaqişəsinin həlli yönümündə mövcud durumu və danışıqlar prosesinə Avropa İttifaqının (Aİ) qoşulma ehtimalı məsələsini şərh edərkən bildirib.

Onun sözlərinə görə, 22 ildən çoxdur ki, ATƏT-in Minsk qrupunun üçü ölkədən – ABŞ, Rusiya və Fransadan ibarət həmsədrlər institutu fəaliyyət göstərir.

“Ancaq çox təəssüflər olsun ki, Ermənistan və onun gizli-açıq himayədarlarının destruktiv mövqeyi, bir çox hallarda sülh danışıqlarının pozulmasına yönəlmiş təxribatçılıq əməlləri nəticəsində münaqişə hələ də ədalətli həllini tapa bilmir. Qarabağ münaqişəsində haqq-ədalət bərpa olunmur.

Bununla belə, Azərbaycan digər mümkün vasitələrlə yanaşı, münaqişənin sülh və danışıqlar yolu ilə həlli variantına yenə də sadiqliyini nümayiş etdirir.

Hətta bir müddət öncə danışıqlar formatının dəyişdirilməsi adı altında sülh danışıqlarının pozulmasına yönəlmiş addımlara, konkret olaraq, Nikol Paşinyanın Avropa İttifaqı rəsmiləri ilə görüşündə təxribatçı açıqlamasına rəğmən, prezidentlərin növbəti və axırıncı Vyana görüşündə prosesin davamlılığına qərar verildi, formatın dəyişdirilməsinin mümkünsüzlüyü və danışıqların davam etdirilməsinin vacibliyi vurğulandı.

Yəni işğala, təcavüzə məruz qalsa da, Azərbaycan yenə sülhpərvərlik mövqeyini, sülhdə, münaqişənin məhz danışıqlar yolu ilə həllində maraqlı olduğunu nümayiş etdirdi və bu gün də öz mövqeyinə sadiqdir, dəyişən heç nə yoxdur.

Əgər Avropa İttifaqı da bu prosesin irəliləməsinə, münaqişənin ədalətli həllinə azacıq da olsa, töhfə verə biləcəksə, hansısa formada bu prosesə qoşulsun və ya qoşula bilər. Yəni biz münaqişənin ədalətli həllinə töhfə verə biləcək istənilən addıma, istənilən qurumla əməkdaşlığa açığıq və hazırıq.

Təki 31 il öncə başlayan və hələ də davam edən Qarabağ münaqişəsi ədalətli həll olunsun. Bizim arzumuz, istəyimiz, gözləntimiz bundan ibarətdir”, – deyə E.İbrahimov əlavə edib.

MM-in komitə sədrinin müavini, politoloq Aydın Mirzəzadə hesab edir ki, Azərbaycan Dağlıq Qarabağ probleminin həlli üçün mümkün olan bütün imkan və vasitələrdən istifadə etməyə çalışır.

“Yəni, problem ancaq bir yolla – bir istiqamətdə gedilməklə həll edilməyəcək. Bu baxımdan, biz eyni zamanda, beynəlxalq ictimaiyyətin Azərbaycanın ərazi bütövlüyü məsələsinə diqqət etməsini, bu məsələdə Azərbaycanın mövqeyini dəstəkləməsini istəyirik.

O cümlədən, Avropa İttifaqı kimi nüfuzlu bir təşkilatın da bu məsələyə daha ciddi diqqət yetirməsini arzulayırıq. Heç də təsadüfi deyil ki, cənab Prezident Brüsseldə olarkən yekun sənədə Azərbaycanın, ümumiyyətlə, ölkələrin ərazi bütövlüyü məsələsinin salınmasını təklif etdi”, – deyə A.Mirzəzadə bildirib.

Kamil HƏMZƏOĞLU

Facebook səhifəmizi izləməyi unutmayın!