Bu gün güclü külək səbəbi ilə Respublika Təcili və Təxirəsalınmaz Tibbi Yardım Mərkəzinə üç ünvan üzrə dörd müraciət qeydə alınıb.

Bu barədə hakimiyyet.az-ın sorğusuna cavab olaraq Tibbi Ərazi Bölmələrini İdarəetmə Birliyindən (TƏBİB) məlumat verilib.

Bildirilib ki, hər üç ünvana təcili tibbi yardım briqadası cəlb olunub.

Külək nəticəsində müxtəlif səbəblərdən xəsarət alanlardan ikisi kişi, ikisi isə qadın olub.

Onlardan iki nəfər (bir qadın, bir kişi olmaqla) ixtisaslaşmış tibb müəssisəsinə hospitalizasiya olunub.

İki nəfərə (bir qadın, bir kişi olmaqla) isə təcili yardım briqadaları tərəfindən yerində yardım göstərilib.

Könül Cəfərli