"Ford" avtonom avtomobillər dövrünə fəal şəkildə hazırlaşır, yolsuzluq avtomobillərinə ən çətin yol şəraitinin öhdəsindən gəlməyə kömək edəcək innovativ texnologiyalar inteqrasiya edir.

hakimiyyet.az xəbər verir ki, bu barədə 32cars.ru məlumat yayıb.

Şirkət yol şəraitindən asılı olaraq müvafiq avtonom avtomobil növünü seçmək üçün nəzərdə tutulan "Marşrutdan əvvəl nəqliyyat vasitələrinin yoxlanılması" adlı sistemi patentləşdirib.

Texnologiyanın mahiyyəti sadədir: Bütün avtomobillər müxtəlif yollar üçün eyni dərəcədə uyğun deyil. "Ford" sifariş üzrə avtomobil göndərməzdən əvvəl sistemin yol vəziyyətini yoxlamasını istəyir. Məsələn, şərtlər tam ötürücülü yolsuzluq avtomobili tələb edərsə, sistem qarlı və ya palçıqlı ərazilərdə ilişib qala biləcək ön ötürücülü minik avtomobili əvəzinə 4x4 avtomobil göndərəcək.

Sistem avtomobillərdə quraşdırılmış kameralar və sensorlar vasitəsilə məlumat toplayır, həmçinin üçüncü tərəfin xəritəçəkmə proqramlarından istifadə edir. Texnologiya hələ patent mərhələsində olsa da, bu, "Ford" üçün avtonom avtomobillər dünyasına liderlik etmək yolunda daha bir addımdır.