Harvard və Stanford Universitetlərindən olan ABŞ-li alimlər belə nəticəyə gəliblər ki, təxminən 3.26 milyard il əvvəl nəhəng meteoritin zərbəsi Yerdə həyatın inkişafını əhəmiyyətli dərəcədə sürətləndirib.

hakimiyyet.az bu barədə Gazeta.ru-ya istinadən xəbər verir.

Alimlərin sözlərinə görə, "S2" adlı hipotetik asteroid 37-58 kilometr ölçüsündə idi ki, bu da Everest dağından dörd-altı dəfə böyük və dinozavrları məhv edən meteoritdən 200 dəfə daha kütləvidir.

Bu ölçüdə obyektin düşməsi okeanı qarışdırdı, onun üst qatını buxarlandırdı və atmosferi qızdırdı. Qalın toz buludu planeti bürüyərək hər hansı fotosintetik fəaliyyəti dayandırdı.

Fəlakətdən sonra bakterial həyat sürətlə bərpa olundu və dəmir və fosforun yaranmış bolluğu sayəsində çiçəklənməyə başladı. Dəmir dənizin dərinliklərindən qaldırılmış, fosfor isə meteoritlə birlikdə Yerə düşmüşdü.

Tədqiqatçıların nəticələri qədim süxurların yataqlarından toplanmış geoloji nümunələrin təhlilinə əsaslanır.