Liberiyada on gün əvvəl müdafiə naziri təyin edilən şahzadə III Çarlz Conson hərbçilərin həyat yoldaşlarının etirazları nəticəsində istefa verib.

Bu barədə Liberiya Prezidentinin Administrasiyası məlumat verib.

Məlumata görə, Prezident müdafiə nazirinin istefasını qəbul edib.

Bildirilib ki, Liberiya ordusunun aşağı rütbəli üzvlərinin arvadları son iki gündür paytaxt Monroviyada etiraz aksiyaları keçirərək, əsas magistral yolları bağlayıblar. Onlar ərləri üçün maaş və pensiyaların artırılmasını, sosial müavinətlərin verilməsini istəyirlər.

Qadınlar həmçinin Malidən qayıdan Liberiya sülhməramlılarına ödənişləri kəsən yeni müdafiə nazirinin istefasını tələb ediblər.

Mənbə: TASS