Bu gün Azərbaycan Mərkəzi Bankında (AMB) növbəti valyuta hərracı keçirilib.

Bu barədə Azərbaycan Mərkəzi Bankı məlumat yayıb.

Bildirilib ki, hərracda tələb 105,1 milyon ABŞ dolları təşkil edib və tam təmin edilib.

Qeyd edək ki, bu göstərici ötən hərracdan 2,8% azdır. Belə ki, 22 fevralda keçirilən valyuta hərracında banklar 108,1 milyon dollar alış həyata keçiriblər. Hərracda manatın ortaçəkili məzənnəsi 1,700 səviyyəsində formalaşıb.

Xatırladaq ki, cari ilin fevral ayında keçirilən son beş hərracda dollara tələb 100 milyondan çox olub.