“Microsoft”un yaradıcısı Bill Qeytsə məxsus olduğu deyilən dünyanın ilk hidrogenlə işləyən superyaxtası 600 milyon dollara satışa çıxarılıb.

“Project 821” adlandırılan 119 metrlik superyaxta, bərpa olunan elektrik enerjisindən istifadə edərək suyun hidrogen və oksigenə parçalanması ilə əldə edilən “yaşıl” hidrogenlə işləmək üçün nəzərdə tutulub. Bu qaz xüsusi olaraq hazırlanmış ikiqat divarlı çənlərdə, -217 dərəcə Selsi temperaturunda kriogen rejimində saxlanılmalıdır. Adətən yaxtalarda dizel mühərriklərindən istifadə edilir.

Dəbdəbəli gəmidə iki yataq otağı, idman zalı, ofislər və çoxsaylı vanna otaqları, eləcə də cakuzi, sauna və kaminli otaqlar var. Gəmidə həmçinin sahibinin tam kitabxana yerləşdirə biləcəyi yer də nəzərdə tutulub.

Mənbə: Daily Mail