"Bitkoin"in qiyməti kəskin artdı

"Bitcoin"in məzənnəsi aprelin sonundan bəri ilk dəfə 71 min dolları ötüb. Bir gün ərzində kriptovalyuta, demək olar ki, 4 min dollar (6,8 min manat) bahalaşıb.

Bunu "Binance" birjasının məlumatları sübut edir.

Bakı vaxtı ilə saat 13:50-yə olan məlumata görə, "Bitcoin" 70 974 dollar (+6,09%) dəyərində olub. Son yeddi gündə onun məzənnəsi 13% artıb.

Kapitalizasiyasına görə ikinci ən böyük kriptovalyuta "Ethereum"un məzənnəsi 24 saat ərzində, demək olar ki, 18% artaraq pik həddə 3 713 dollara çatıb. Digər məşhur sikkələr cəmi 1-2% bahalaşıb.

"Bitget" kriptobirjasının analitiki Rayan Linin proqnozuna görə, iyun ayında "Bitcoin"in məzənnəsi 58 min dollardan 68 min dollar arasında dəyişəcək. İlk kriptovalyutanın məzənnəsinin daha da artmasına iki əsas amil mane olur: yeni istifadəçilərin aktivliyinin azalması və vəsait axınının ləngiməsi.

Mənbə: gazeta.ru

0.081013917922974