Paris-2024 Yay Olimpiya Oyunları maraqlı hadisə ilə əlamətdar olub.

hakimiyyet.az xəbər verir ki, bu, cüdo üzrə qarışıq komanda yarışında baş verib.

Bu gün baş tutan 1/4 final görüşündə Fransa Cənubi Koreya ilə üz-üzə gəlib. 145 kq çəkiyə malik əfsanəvi Teddi Riner asiyalı Cun-Xvan Li ilə üz-üzə gəlib. Koreyalı adətən 81 kq çəkidə mübarizə aparır. Məşhur "Ekip" nəşri qarşılaşma vaxtı onlar arasında çəki fərqinin 62 kq-a çatdığını açıqlayıb. Riner özündən xeyli yüngül çəkiyə malik rəqibinə qalib gəlməkdə çətinlik çəkməyib.

Qeyd edək ki, bu qarşılaşmada Fransa rəqibini 4:1 hesabı ilə məğlub edib.