Futbol üzrə Xorvatiya və Polşa milli komandalarının qarşılaşdığı UEFA Millətlər Liqasının A Liqasının 1-ci qrupunun ikinci turunun oyunu keçirilib.

hakimiyyet.az xəbər verir ki, oyun "Opus Arena" stadionunda (Osiyek, Xorvatiya) baş tutub.

Görüşün baş hakimi qismində Fransua Leteksye çıxış edib. Qarşılaşma 1:0 hesabı ilə Xorvatiya yığmasının qələbəsi ilə başa çatıb.

Matçda yeganə qolu 52-ci dəqiqədə xorvatiyalı yarımmüdafiəçi Luka Modriç cərimə zərbəsini dəqiq yerinə yetirərək vurub.

Qeyd edək ki, UEFA Millətlər Liqasının ikinci turundan sonra Xorvatiya yığması üç xal toplayıb və qrup cədvəlində ikinci yerdədir. Polşa millisi üç xal qazanaraq üçüncü yerdədir. İki oyundan sonra altı xalla Portuqaliya millisi qrupun lideridir. Şotlandiya yığması isə sonuncu yerdədir.

Xatırladaq ki, UEFA Millətlər Liqasının sonuncu qalibi İspaniyadır. Püşkatmanın finalında ispanlar Xorvatiya millisinə 0:0 (5:4 penaltilər) hesabı ilə qalib gəliblər.