Sentyabrın 1-də keçirilmiş Milli Məclisə növbədənkənar seçkidə 70 saylı Neftçala seçki dairəsindən deputatlığa namizədliyi qeydə alınan Vəfa Nağıyevanın şikayətinə baxılıb.
hakimiyyet.az xəbər verir ki, bununla bağlı Mərkəzi Seçki Komissiyasının (MSK) bu gün keçirilən iclasında məsələ müzakirə edilib.
MSK daxilində fəaliyyət göstərən ekspert qrupunun üzvü Ramiz İbrahimovun təqdimatına əsasən, şikayətçi müraciətinə 86 videogörüntü və fotosürət olan 49 protokolun şəklini əks etdirən elektron informasiya daşıyıcısı əlavə edilib. Onunla əlaqə saxlanılıb, araşdırmada özü və vəkilinin iştirakı təmin edilib. Aparılan araşdırma zamanı dairənin 24, 27, 34, 35, 48, 49 saylı məntəqələrində qanun pozuntularına dair hüquqi əsaslar müəyyən edilib. Beləliklə, həmin məntəqələrin nəticələri ləğv edilib.
Sentyabrın 1-də keçirilmiş Milli Məclisə növbədənkənar seçki 86 saylı Ağcabədi seçki dairəsi üzrə qeydə alınmış namizəd Cavid Hacıbəylinin şikayətinə baxılıb.
hakimiyyet.az xəbər verir ki, bununla bağlı Mərkəzi Seçki Komissiyasının (MSK) bu gün keçirilən iclasında məsələ müzakirə edilib.
Mərkəzi Seçki Komissiyasının (MSK) və Ekspert qrupunun üzvü Qabil Orucovun təqdimatına əsasən, namizəd müraciətində seçki məntəqələrində pozuntuların olduğunu iddia edib və səsvermənin nəticələrinin ləğv edilməsini tələb edib. Lakin namizəd və ya onun müşahidəçiləri seçki dairəsinin 7, 16, 15, 21, 22, 24, 25, 27, 30, 31, 34, 35, 37, 40, 42, 41, 45, 46, 51, 54 və 52 saylı seçki məntəqələrində müşahidə aparmadığı halda səsvermənin nəticələrini mübahisələndirib. Araşdırma nəticəsində məlum olub ki, həmin dairənin yalnız 7 saylı seçki məntəqəsində pozuntular qeydə alınıb. Bu baxımdan, qeyd olunan məntəqələrdə səsvermənin nəticələrini ləğv edilməsi üçün hüquqi əsaslar müəyyən edilib. Qərara əsasən, 86 saylı Ağcabədi seçki dairəsinin 7 saylı məntəqəsi etibarsız hesab edilib.
Həmçinin 97 saylı Tərtər - Ağdərə - Goranboy seçki dairəsi üzrə qeydə alınmış namizəd Məcidzadə Şəhriyarın da şikayətinə baxılıb.
Mərkəzi Seçki Komissiyasının (MSK) və Ekspert qrupunun üzvü Bəxşeyiş Əsgərovun
təqdimatına əsasən, namizəd müraciətində seçki məntəqələrində pozuntuların olduğunu iddia edib və səsvermənin nəticələrinin ləğv edilməsini tələb edib. Araşdırma nəticəsində məlum olub ki, həmin dairənin 12 məntəqəsindən şikayət olunsa da, yalnız 3, 4 və 18 saylı məntəqələrdə seçicilərin iradəsinə mane olan hallar müşahidə edilib. Bu baxımdan, qeyd olunan məntəqələrdə səsvermənin nəticələrinin ləğv edilməsi üçün hüquqi əsaslar müəyyən edilib və ona görə də sözügedən məntəqələrdə səsvermənin nəticələri etibarsız hesab edilib.
Sentyabrın 1-də keçirilmiş Milli Məclisə növbədənkənar seçkidə 21 saylı Nəsimi - Binəqədi birinci seçki dairəsidən deputatlığa namizədliyi qeydə alınan Müsavat partiyasın üzvü saylı Gülağa Aslanlının şikayətinə baxılıb.
hakimiyyet.az xəbər verir ki, bununla bağlı Mərkəzi Seçki Komissiyasının (MSK) bu gün keçirilən iclasında məsələ müzakirə edilib.
Mərkəzi Seçki Komissiyasının (MSK) və Ekspert qrupunun üzvü İlkin Şahbazovun təqdimatına əsasən, namizəd müraciətində Seçki Məcəlləsinin 36.2 maddəsinə uyğun olaraq səsvermə günü bütün məntəqələrdə qayda pozuntusu olduğunu deyib:
"Buna görə də şikayətçi həmin dairənin bütün məntəqələrinin nəticəsinin ləğv edilməsini tələb edib. Lakin namizədin də iştirakı ilə aparılan araşdırma nəticəsində iddia edildiyi kimi bütün məntəqələrdə seçicilərin iradəsinə mane olan hallar aşkar edilməyib. Bununla yanaşı, araşdırma nəticəsində həmin dairənin 30 saylı məntəqəsində seçicilərin səsvermə prosesində iradəsinə mane olan əsaslar müəyyən edilib. Qərara əsasən, 21 saylı Nəsimi - Binəqədi birinci seçki dairəsinin 30 saylı seçki məntəqəsinin nəticələri ləğv edilib. Qərar dərc edildiyi gündən qüvvəyə minib".
Mərahim Nəsib
