Bu həftə sonu keçiriləcək "Formula-1" Sinqapur Qran-prisi ərəfəsində "Mercedes-Benz" məhdud buraxılışlı "AMG GT 63 Pro 4Matic+ - Motorsport Collectors Edition" modelini təqdim edib.
hakimiyyet.az-ın championat.com-a istinadən xəbər verir ki, avtomobilin rəngləri "Mercedes-AMG Formula-1" avtomobillərini xatırladır. Kuzov qara rəngdə hazırlanıb və firuzəyi elementlərlə bəzədilib, arxada isə üçbucaqlı ulduzdan istifadə edilən naxış var.
"Mercedes-AMG GT 63 Pro 4Matic+ Motorsport Collectors Edition" karbon lifli ön splitter və arxa qanaddan ibarət AMG xarici karbon fiber paketi ilə birlikdə satılır. Kapotun altında 450 kVt (612 at gücü) gücündə dörd litrlik tvin-turbo V8 mühərriki yerləşir. Avtomobilin tirajı 200 nüsxə ilə məhdudlaşır.
