İngiltərə Premyer Liqasının V turunun "Mançester Siti" - "Arsenal" (2:2) matçında "topçular"ın futbolçuları utancverici statistikaya imza atıblar.

hakimiyyet.az xəbər verir ki, London təmsilçisinin heyətində hücumçu Kay Haverts və müdafiəçi Yurrien Timber görüşü dəqiq ötürmə etmədən başa vurublar.

Bununla da K.Haverts Premyer Liqa tarixində son 7 mövsümdə 90 dəqiqə meydanda olan və dəqiq ötürmə edə bilməyən ilk oyunçu olub.

26 yaşlı almaniyalı forvard "şəhərlilər"lə qarşılaşmada 5, Y.Timber isə 6 cəhddə uğursuz ötürmə edib.