Türkiyə Superliqasının 9-cu turu çərçivəsində "Antalyaspor" "Qalatasaray"ı qəbul edib.

hakimiyyet.az xəbər verir ki, Antalya stadionunda baş tutmuş matçı baş hakim Ali Sansalan idarə edib.

Matçda hesab erkən açılıb. 10-cu dəqiqədə argentinalı hücumçu Mauro İkardi Mertensin dəqiq ötürməsini qola çevirib. İkinci hissədə də "sarı-qırmızılar" üstünlüklərini davam etdiriblər. Belə ki, 52-ci dəqiqədə Yunus Akgünün ötürməsindən sonra 31 yaşlı İkardi dubla imza atıb. Əlavə edilmiş ikinci dəqiqədə isə nigeriyalı Viktor Osimhen matçda son nöqtəni qoyub - 0:3.

Beləliklə, "Qalatasaray" doqquz oyundan sonra 25 xalla turnir cədvəlinə başçılıq edir. "Cimbom"un ən yaxın təqibçisi "Samsunspor"dur - 18 xal.

"Antalyaspor" isə cəmi səkkiz xal toplaya bilib.