Ağdam rayon sakini maşınında ölü tapılıb.

“Unikal”ın məlumatına görə, Ağdam rayon sakini 1998-ci il təvəllüdlü Mehman Arzu oğlu Qafarov Bərdə rayon Güloğlular kəndi ərazisində idarə etdiyi VAZ 2106 markalı minik avtomobilinin içərisində ölü olaraq tapılıb.

Hadisə yerinə hüquq-mühafizə orqanlarının əməkdaşları cəlb ediliblər. M.Qafarovun meyiti müayinə olunması üçün Səhiyyə Nazirliyinin Məhkəmə Tibbi Ekspertiza və Patoloji Anatomiya Birliyinin Bərdə rayon şöbəsinə aparılıb.

Faktla bağlı Bərdə Rayon Prokurorluğunda araşdırma aparılır.