Çinin şimalındakı Lüylyan şəhərinin Lişi rayonunda yerli kömür müəssisəsinin binasında güclü yanğın baş verib.

Məlumata görə, yanğın zamanı 19 nəfər ölüb, 51 nəfər yaralanıb. Yaralılar xəstəxanaya yerləşdiriliblər.

Ümumilikdə xilasedicilər 63 nəfəri təxliyə ediblər. Hazırda ölənlərin dəqiq sayı, eləcə də yanğının səbəbləri müəyyənləşdirilir.

Qeyd edək ki, qurbanların axtarışı davam edir.

Mənbə: TASS