Pakistanın şimal-qərbində intiharçı terrorçunun hücumu nəticəsində Çin vətəndaşları həlak olublar.

Bildirilir ki, partlayıcı quraşdırılmış avtomobil İslamabaddan Dasudakı düşərgəsinə yollanan çinli mühəndisləri aparan maşına çırpılıb. Nəticədə beş çinli və onların pakistanlı sürücüsü həlak olublar.

Yerli hüquq-mühafizə orqanı əməkdaşının sözlərinə görə, partlayışdan sonra maşın dərəyə yuvarlanıb. Cəsədlərdən ikisi yandığından ölənlərin kimliyini müəyyən etmək çətinləşib.

Qeyd edək ki, hücum beş silahlı yaraqlının Pakistan hərbi-dəniz hava bazasına hücumundan bir neçə saat sonra baş verib. Həmin qarşıdurma nəticəsində bir hərbçi həlak olub. Təhlükəsizlik qüvvələri bütün hücumçuları məhv ediblər.

Mənbə: Al Jazeera