Bakı şəhəri, Yasamal rayonu ərazisində, Azərbaycan Milli Elmlər Akademiyasının (AMEA) qarşısındakı parkda səyyar iaşə xidməti göstərən obyektdən havaya tüstü və iy-qoxunun yayılması ilə bağlı Dövlət Ekoloji Təhlükəsizlik Xidmətinə daxil olan şikayət araşdırılıb və fakt təsdiqini tapıb.
hakimiyyet.az xəbər verir ki, Dövlət Ekoloji Təhlükəsizlik Xidmətinin və Ətraf Mühitin Çirklənməsinin Monitorinq Qrupunun əməkdaşları tərəfindən aparılan monitorinq və ölçmə işləri zamanı atmosfer havasına atılan maddələrin miqdarının normadan artıq olduğu müəyyən edilib.
Faktla bağlı səyyar iaşə obyektinin istifadəçisi Orxan Rüstəmzadə barəsində akt, protokol tərtib olunub və qanunamüvafiq tədbir görülüb.
