Argentina NATO-nun qlobal tərəfdaşı olmaq istəyir.

Bunu ölkənin müdafiə naziri Luis Petri “X” sosial şəbəkəsində (keçmiş “Twitter”) yazıb.

“Mən NATO-nun baş katibinin müavini ilə görüşdüm, ona Argentinanın bu təşkilatın qlobal tərəfdaşı olmaq xahişini özündə əks etdirən niyyət məktubunu təqdim etdim”, - nazir qeyd edib.

Petri əlavə edib ki, ölkə Argentina ordusunun NATO standartlarına uyğun modernləşdirilməsinə imkan verəcək əlaqələri bərpa etməyə çalışır.

Mənbə: RİA Novosti