Bakı-Quba yolunun Xızı rayonundan keçən hissəsində ağır yol-nəqliyyat hadisəsi baş verib.

"Report" xəbər verir ki, qəza zamanı VAZ-2106 və "Shacman" markalı avtomobillər toqquşublar.

Nəticədə VAZ-2106-nın sürücüsü Tural İlham oğlu Mirzəyev ağır xəsarət alıb.

Yaralı dərhal xəstəxanaya çatdırılıb. Onun vəziyyətinin ağır olduğu bildirilir.

Qəzanın səbəbi araşdırılır.

Qeyd edək ki, T.Mirzəyev Azərbaycan Dövlət Pedaqoji Universitetinin dördüncü kurs tələbəsidir.