İtaliyanın Kalabriya Universitetinin alimləri müəyyən ediblər ki, kurkumin tərkibli nanohissəciklər siçanlarda neyrodegenerativ xəstəliklərin (Alzheymer və Parkinson) simptomlarını azalda bilər.

Kurkumin sarıkökə daxil olan maddə və pəhriz əlavəsidir. Mürəkkəb bir sıra bioloji xüsusiyyətlərə malikdir, o cümlədən antiinflamatuar, antioksidant, antiproliferativ, antitümör, immunomodulyator, antimikrob, antidiyabetik və neyroprotektiv təsir göstərir.

Tədqiqatın bir hissəsi olaraq elm adamları siçanlara kurkumin nanohissəcikləri ilə doymuş kapsul veriblər. Nanohissəciklər diametri bir ilə 100 nanometr (nm) arasında dəyişən bərk maddə hissəcikləridir. Müxtəlif qida əlavələrindəki nanohissəciklərin üstünlüyü onların sürətli sorulması və yüksək bioavailability (bioəlçatan) olmasıdır. Bu o deməkdir ki, nanohissəcik formatında daha böyük miqdarda məhsul alınacaq və orqanizm tərəfindən istifadə olunacaq.

Təcrübənin nəticələri göstərdi ki, kurkumin iltihabı azaldır, neyrogenezi aktivləşdirir və Alzheymer xəstəliyi olan siçanların beyinlərində səhv yığılmış zülalların qarşısını alır. Bundan əlavə, kurkumin nanohissəcikləri ilə balıq yağı və serum albumini ilə birlikdə müalicə oksidləşdirici stressi azaldır və Parkinson xəstəliyində neyron disfunksiyasının qarşısını alır.

Mənbə: Gazeta.ru