Bakıda velosipedlər üçün parklanma məntəqələri müəyyən edildi

Azərbaycan Yerüstü Nəqliyyat Agentliyi (AYNA) tərəfindən velosipedlərin parklanması üçün dəmir konstruksiyaların quraşdırılması işlərinə başlanılıb.

hakimiyyet.az xəbər verir ki, bu barədə AYNA məlumat yayıb.

Bildirilib ki, artıq İstiqlaliyyət küçəsində və Azərbaycan prospektində parklanma yerləri yaradılıb və digər parklanma məntəqələrində də bu istiqamətdə mərhələli şəkildə işlər görülür.

Bundan əlavə, əsas cəlbetmə məntəqələrində, metronun stansiyalarının qarşısında, ticarət mərkəzlərində, Bakı bulvarı ərazisində bu formada dəmir konstruksiyaların quraşdırılması nəzərdə tutulub.

0.0936279296875