Saatlıda 19 yaşlı gənc çayda çimərkən boğulub.

"Report"un məlumatına görə, hadisə Araz çayının rayonun Seyidlər kəndi ərazisindən keçən hissəsində qeydə alınıb.

Kənd sakini, 2005-ci il təvəllüdlü Amin Seymur oğlu Həsənov Araz çayında çimərkən batıb.

Yaxınları tərəfindən aparılan axtarışlar zamanı onun meyiti batdığı yerin yanında aşkarlanıb.

Faktla bağlı araşdırma aparılır.