Litvanın xarici işlər naziri Qabrielius Landsbergis nazirliyin həyətindən xilas etdikləri pişik balasını rəsmi nazirlik pişiyi elan edib.

Bu barədə hakimiyyet.az Landsbergisin "X" hesabında etdiyi paylaşıma istinadən bildirir.

"Bu, Ranqodur. Həyətimizdəki Ranqo xilas edildi və dərhal Litva Respublikası Xarici İşlər Nazirliyinin rəsmi pişiyi vəzifəsinə yüksəldi", - deyə nazir açıqlamasında qeyd edib.

Nazirin bu bəyanatı qısa müddətdə minlərlə bəyənmə toplayıb.