Bakıda əl qumbaraları və partladıcılar aşkarlanıb - VİDEO

Bakı şəhərinin Yasamal rayonunda sursat aşkar edilib.

Bu barədə Fövqəladə Hallar Nazirliyinin (FHN) “112” qaynar telefon xəttinə məlumat daxil olub.

Məlumatla əlaqədar dərhal FHN-in Xüsusi Riskli Xilasetmə Xidmətinin (XRXX) minalardan təmizləmə üzrə çevik qrupu hadisə yerinə cəlb edilib.

Hüquq-mühafizə orqanı əməkdaşları ilə birgə ərazidə müvafiq təhlükəsizlik tədbirləri görüldükdən sonra hadisə yerinə baxış zamanı aşkar edilmiş sursatların bir ədəd RQ-42, bir ədəd RQN-D, bir ədəd F-1 və bir ədəd RQN əl qumbarası, bir ədəd UZRQM partladıcı, bir ədəd UDZ partladıcı və bir ədəd RQD-5 təlim üçün əl qumbarası olduğu müəyyən edilib.

Sursatlar XRXX-nin çevik qrupunun mütəxəssisləri tərəfindən zərərsizləşdirilməsi üçün ərazidən götürülərək kənarlaşdırılıb.

Hadisə yerində və ona yaxın ətraf ərazidə əlavə axtarış zamanı başqa hər hansı təhlükəli və ya şübhəli əşya aşkar edilməyib.

0.13263297080994