Şimali Koreya təxminən noyabrın 5-də ABŞ-də keçiriləcək prezident seçkisində səsvermə günü nüvə sınağı keçirə bilər.

hakimiyyet.az xəbər verir ki, bu barədə "Reuters" agentliyi məlumat yayıb.

Qeyd olunur ki, rəsmi Pxenyan artıq bu məqsədlə qitələrarası ballistik raket üçün hazır olan buraxılış qurğusunu yerləşdirib.

Cənubi Koreya rəsmilərinin məlumatına görə, Şimali Koreya noyabrın 5-i seçki zamanı uzaqmənzilli raket atmağa və ya yeddinci nüvə sınağını keçirməyə cəhd etməklə strateji silah inkişafını vurğulamağa çalışa bilər.

Cənubi Koreya parlamentinin deputatı Pak Son Von bildirib ki, respublikanın kəşfiyyat məlumatlarına əsasən, raket buraxılış meydançasında hələ quraşdırılmayıb, lakin onun artıq lazımi yerə daşındığı ehtimalı var. KXDR yüksəkbucaqlı trayektoriyalardan istifadə etməklə qitələrarası ballistik raketlərin bir sıra sınaqlarını həyata keçirib ki, bu da raketlərin hədəflərinə maksimum məsafə ilə müqayisədə xeyli qısa məsafələrə çatmasına imkan verib.