İngiltərə Premyer Liqasında IX tur davam edir.
hakimiyyet.az xəbər verir ki, son çempion “Mançester Siti” öz meydanında “Brayton”la qarşılaşıb. Görüş “şəhərlilər”in qələbəsi ilə başa çatıb - 2:1. Mançester təmsilçisinin qollarını Xulian Alvares və Erlinq Holand vurublar. Qonaqların heyətində Ansu Fati fərqlənib.
Qələbə sayəsində xallarını 21-ə çatdıran Pep Qvardiolanın komandası birinci pilləyə qayıdıb. “Brayton” 16 xalla yeddincidir.
Digər maraqlı qarşılaşmada “Nyukasl” öz meydanında “Kristal Pelas”ı darmadağın edib - 4:0. “Sağsağanlar”ın qollarını Ceykob Mörfi, Entoni Qordon, Şon Lonqstaf və Kallum Uilson vurublar.
Xallarını 16-ya çatdıran “Nyukasl” beşinci pilləyə yüksəlib. “Kristal Pelas” 12 xalla 11-cidir.
Digər qarşılaşmalarda “Vulverhempton” səfərdə “Bornmut”u 1:2, “Brentford” evdə “Bernli”ni 3:0 məğlub edib. “Nottinqem Forest” - “Luton” görüşündə isə qalib müəyyənləşməyib - 2:2.
Faiq Tahirov