2005-2010-cu illərdə izlənmə rekordu qıran Türkiyənin məşhur "Yaprak dökümü" serialının "Oğuz" xarakterinin beşinci övladı dünyaya gəlib.

Bu barədə hakimiyyet.az NTV.com.tr-yə istinadən xəbər verir.

Qeyd edək ki, Tolqa Karel 2016-cı ildə gözlənilməz bir qərar verərək aktyorluğu atmış və ABŞ-də məskunlaşmışdı.

Hazırda ABŞ-də yük maşını sürücüsü işləyən və həmçinin logistika şirkətinə sahib olan aktyor 2016-cı ildən Sara Skott adlı qadınla xoşbəxt evlilik yaşayır.

Karel növbəti dəfə ata olması ilə bağlı sosial media hesabında paylaşım edib. Cütlüyün bir qızı olub.

"Ailəmizin yeni gözəl üzvü" , - deyə o, paylaşıma şərh verib.

Xatırladaq ki, Sara Skottan Kenan, Tufan və Mia adlı üç övladı olan Karelin azərbaycanlı model Günay Musayeva ilə evliliyindən də Cihangir adlı oğlu var.