“Bayer 04” Almaniya çempionatının 11-ci turunun matçında öz stadionunda “Union” üzərində böyükhesablı qələbə qazanıb - 4:0.
Alehandro Qrimaldo, Odilon Kossunu, Conatan Ta və Natan Tella hərəsi qonaqların qapısına bir qol vurub.
“Bayer” 31 xal toplayıb və “Bavariya”nı üstələyərək Bundesliqanın turnir cədvəlində birinci yerə qayıdıb. Aktivində 6 xalı olan “Union” sonuncu yerdədir.
Qeyd edək ki, "Bayer 04" Avropa Liqasında "Qarabağ"la H qrupunda rəqibdirlər.