Futbol üzrə Azərbaycan Premyer Liqasında XV tura yekun vurulub.
hakimiyyet.az xəbər verir ki, sonuncu matçda “Qarabağ” “Qəbələ”ni qəbul edib.
Tofiq Bəhramov adına Respublika Stadionundakı qarşılaşma “köhlən atlar”ın 3:0 hesablı qələbəsi ilə yekunlaşıb. Ağdam təmsilçisinin qollarını yeddinci dəqiqədə Hamidu Keyta, 64-cü dəqiqədə Nəriman Axundzadə, 90+2-ci dəqiqədə Juninyo Olavio vurub.
Xallarının sayını 32-yə çatdıran “Qarabağ” liderliyini möhkəmləndirib. “Qırmızı-qaralar” isə 11 xalla doqquzuncu pillədə qərarlaşıb.
Qeyd edək ki, turun əvvəlki oyunlarında “Neftçi” “Zirə”ni (1:0), “Sabah” “Kəpəz”i (2:0) məğlub edib. “Araz-Naxçıvan” - “Səbail” (1:1) və “Turan Tovuz” - “Sumqayıt” (2:2) qarşılaşmaları heç-heçə yekunlaşıb.
09:14
Futbol üzrə Azərbaycan Premyer Liqasında XV tura bu gün yekun vurulacaq.
“Report” xəbər verir ki, sonuncu matçda “Qarabağ” “Qəbələ”ni qəbul edəcək.
Tofiq Bəhramov adına Respublika Stadionunda reallaşacaq qarşılaşma saat 19:30-da başlayacaq.
Görüşü Tural Qurbanov idarə edəcək. “Köhlən atlar” 29 xalla liderdirlər. “Qırmızı-qaralar” isə 11 xalla 9-cu pillədə qərarlaşıblar.
Azərbaycan Premyer Liqası
XV tur
19:30. “Qarabağ” - “Qəbələ”
Hakimlər: Tural Qurbanov, Cəmil Quliyev, Zöhrab Abbasov, Rəşad Əhmədov.
Hakim-inspektor: Ömər Paşayev.
AFFA nümayəndəsi: Elgiz Abbasov.
Tofiq Bəhramov adına Respublika Stadionu
Qeyd edək ki, turun əvvəlki oyunlarında “Neftçi” “Zirə”ni (1:0), “Sabah” “Kəpəz”i (2:0) məğlub edib. “Araz-Naxçıvan” - “Səbail” (1:1) və “Turan Tovuz” - “Sumqayıt” (2:2) qarşılaşmaları heç-heçə yekunlaşıb.
