ABŞ iqtisadiyyatı dünyada maliyyə axınlarının yenidən bölüşdürülməsinə, dünya üçün ciddi nəticələrə gətirib çıxaracaq yeni superdövrə daxil olub.

hakimiyyet.az xəbər verir ki, bu barədə "Business Insider" (BI) məlumat yayıb.

Qeyd olunur ki, yeni mərhələyə keçid Vaşinqtonun maliyyə siyasətinin bütün proqnozların əksinə olan nəticələri ilə sübut olunur. BI-nin məlumatına görə, yeni iqtisadi superdövrün səciyyəvi cəhəti ölkənin mərkəzi bankı olan ABŞ Federal Ehtiyat Sisteminin (FRS) əsas dərəcəsinin yüksək olmasıdır. Eyni zamanda, dünyada siyasi və iqtisadi qeyri-sabitlik səbəbindən yüksək risklər və inflyasiya təsirləri ola bilər.

Eyni zamanda, əvvəlki superdövr Federal Ehtiyat Sisteminin əsas uçot dərəcəsini 0 faizə endirməsi ilə başlayıb ki, bu da qlobal maliyyə sisteminə zərbə vurub.